Mannheim. Mønschä fehlt die Oriendierung. In de Mønnema Kwadradä – unn gänerell. „Wo ist die Neckarau?“, froogt misch neilisch änna. Du liewä Leit, der kenndsisch jo ganädd aus. Awwa ma iss jo hilfsbereit, gell: „Wønnsä uff die Neggarau wolle, gehn se øn de Kurpfalzbrigg die Träpp nunna – schunn sinnse druff, uff de Neggarau. Wønn se awwa NOOCH Neggara wollä, nämmäsä die Dreier!“ Do willschäm helfä – unn dønn guggda bleed. Mønnema Faheldnissä sinn haldämol kompliziert. Do helfä bloß Faheldniswerda. S’machd än Unnaschied, ob de uffm Waldhof odda beim Waldhof warschd. Ma wohnt a in – unn nädd im – Keffadaal. Mir sinn hald gud druff – unn wohnä desdewegä a gern „uff“... de Rhoinau, de Blummänau unn de Schänau, a uffm Lutzäberg odda Pingschdberg lossdssischs gud lewä.
Dess Wärdschä „Uff“ megä mir so gärn, dass die Meischdä a uff de Gaddäschtadt – unn nädd in de Gaddäschtadt – wøhnä. Sachd ma „in de Gaddäschtadt“, dønn wohnt derjähnischä driwwä in Lumbähaafe. Umm Himmelswillä! Do sehtda mol, wie wischdisch dess iss, de Iwwablick zu bewahrä!
Kontakt: kall@mamo.de
URL dieses Artikels:
https://www.mannheimer-morgen.de/kultur_artikel,-kultur-de-kall-maehnt-iwwablick-behaldae-_arid,2060025.html
Links in diesem Artikel:
[1] https://www.mannheimer-morgen.de/orte/mannheim/neckarau.html
[2] https://www.mannheimer-morgen.de/orte/mannheim/waldhof-gartenstadt-luzenberg.html
[3] https://www.mannheimer-morgen.demailto:kall@mamo.de