MØnschmol laaft’s nädd so ,wies laafä soll, machschd nix drØ, iss äfach so. So issmas a gØngä, weshalb do Øn derä Schdell mol ä Weil nix vumma gschdonnä iss. S‘iss sozusagä wass däzwischä kummä, wass ma nodd hodd voraussehä kännä. WØnn isch in Urlaub fahr, schaff isch jo als wass vor, dassda wass zu lesä habbd, wehränd isch uffm WatzmØnn odda uff Mallorca hogg. S‘wa awwa nädd so, känndama glawä. Heit kummt die froh Botscjaft fä eisch: Do issa widda!
S‘erschdä awwa, wass isch machä will, iss DØnkschää sagä. Ihr liewä Leit, ihr seid äfach goldisch. Isch dØnk eisch schää fä all die Noochfrogä unn gudä Winsch, die‘a‘ma uff vaschiedännä Kaneel habbd zukummä lossä.
„Nix, iss so schlescht, als dassäs nädd fä irgändwas gut wer“, hodd die Großmudda gsacht – unn widda mol Räschd khappt. In mØim Fall heeßd dess, dass isch bei mØinä Rickkehr misch ordäntlisch amisiert habb iwwa die drollischä Zuschrifdä vunn eisch Bloomeila!
Ob isch widda mol uff die Gosch gflogä binn, wie sellämols middm Drahtessl, und deshalb nixmeh in de Zeidung wer, wollt äna wissa. Ob se ma nädd genug bezahlä deedä fä mØi Ärwäd, hodd a jemond intressiert. Ønnarä haawä grad’s Gegegädeil vamut unn wolldä wissä, ob isch nimmee needisch hedd. Ob isch jetz Ønn äm Buch schaffä deed – odda glei fä „die Rhoipalz“? (S‘Lebdaag nädd!) Was ma eigändlisch oifallä deed, so Knall uff Fall uffzuheerä, ä Fräschheit wer dess, der ihrä de SØmsdaagmorgän vasauä deed, mähnt a gudi Seel. Isch dØng eisch schää, fä eia Ørufä unn E-Mails und saag eisch heit: Kä Ongschd, isch bin widda doo – unn Ukraut vageht nädd!
Ihne Ihrn Kall
Schreiben Sie mir: 
URL dieses Artikels:
https://www.mannheimer-morgen.de/leben_artikel,-ansichtssache-do-issa-widda-_arid,2313005.html
Links in diesem Artikel:
[1] https://www.mannheimer-morgen.de/kall
Mannheimer Morgen Plus-Artikel Mundartglosse Do issa widda!
De Kall meld sisch zurigg und grießt allä, die Ønnän gedenkt hawwä.