Ma sinn vielseidisch!

Von 
Rcl
Lesedauer: 

Unn? Seida gut noikumme? Isch hoff doch schunn, gell? Zum Jøhresøføng will isch misch hait mol äm schäne Mønnema Word widme, desses innsischhodd. Die Rädd is vunn dä Huddl. Wass dess iss, wärrä monsche froogä unn isch kønn Eisch kä bleederi Øntword gewwe als: „Dess kummd gønz druff ø!“

AdUnit urban-intext1

Vunn de Schwoowe kännda jo dänn schäne Schpruch. „Nur nädd huudle!“ Dess heeßt soviel wie nix iwwaschdärze, løngsøm mache, sich Zeit nämmä unn in Ruh weidamache. Da mir Kurpelza awwa bekønndlisch viel schnella und zaggischa sinn als die Sauschwoowe, is bei uns nädd vunn „huudle“, sunnan vunn ännara viel kherza gschbrochenä „Huddl“ die Räd. Unn weil ma schproochbegabt sinn, kønn des Wärdsche aa mønschalei heeße. Hausuffgaawe wäre alsemol „hiegehuddlt“, do schdeggt donn nadierlisch a schunn „schnuddlä“ also schlømbischi Gschwindischkeit midd drinn.

Lokales De Kall mähnt: "Ma sinn vielsaidisch!"

Veröffentlicht
Laufzeit
Mehr erfahren

Wønn die Huddl männlisch is, iss dess nädd schää: Wer sagd, „Isch hab midd däm Hutsimbl de gønzä Daach än Huddl khappd“, mähnt Schwierischkeidä, Uumuss, Zierguss, Scherareiä.

Wonn die Huddl weiblisch iss, wärds, isch saag dodezu møl bessa nix, komplizierd: „Der hodd ä Huddl“ – odda a „Kuddl“ – kønn heeße: Hodd der ä Gligg, awwa a: Der hodd Närfä, der traut sisch was. Awwa a – unn ewä wärds noch komplizierda: Der hodd die Ruh weg, is geduldisch wie ä Lømm. Zum Schluss gibt’s noch die schää Formulierung „mit Huddl unn Labbä“ fär „gønz unn gar“ odda „mit Haud unn Hoor“.

AdUnit urban-intext2

Unn ausadäm, s’duud ma leed, isch bin noch nädd färdisch, iss ä Huddl a ä Kraftrad, ä klänes Motorrad, ä Achdzischa – unn wer druff hoggd än Huddlfahra.

Sinn noch Frøge offe? Dønn iss jo guud. Ach, unn iwwarischens: Dass sich die Bedeidungä „Uumuuß, Gligg, Hetz, Geduld, Kraftrad“ widdaschpräsche due, mäända? I woo, bleed Zeig, mir Kurpelza sinn nädd widasprischlisch: Ma sinn vielseidisch!

AdUnit urban-intext3

Audio und Video: morgenweb.de/kall Kontakt: kall@mamo.de

AdUnit urban-intext4

AUDIO: De Kall mähnt: "Ma sinn vielsaidisch!" (Audio)

Mehr zum Thema

Lokales De Kall mähnt: "Ma sinn vielsaidisch!"

Veröffentlicht
Laufzeit
Mehr erfahren